ਨਸ਼ਾ ਤਸਕਰ ਦੇ ਘਰ ਉੱਪਰ ਪੀਲਾ ਪੰਜਾ ਚਲਾਉਣ ਲਈ ਪਹੁੰਚ ਗਈ ਸਮਰਾਲਾ ਪੁਲਿਸ ਅਤੇ ਨਗਰ ਕੌਂਸਲ ਸਮਰਾਲਾ ਦੀ ਟੀਮ

ਅੱਜ ਸਮਰਾਲਾ ਸ਼ਹਿਰ ਵਿੱਚ ਸਮਰਾਲਾ ਪੁਲਿਸ ਵੱਲੋਂ ਯੁੱਧ ਨਸ਼ੇ ਵਿਰੁੱਧ ਦੀ ਮੁਹਿਮ ਤਹਿਤ ਇੱਕ ਬਿਲਡਿੰਗ ਜੋ ਖੰਨਾ ਰੋਡ ਤੇ ਵਿਕਰਮ ਉਰਫ ਪਵਨ ਨਾਮਕ ਨਸ਼ਾ ਵੇਚਣ ਵਾਲੇ ਦੀ ਹੈ. ਜਿਸ ਉਪਰ 5 ਮੁਕਦਮੇ ਦਰਜ ਸਨ ,ਜਿਨਾਂ ਵਿੱਚ 4 ਮੁਕਦਮੇ NDPS ਅਤੇ 1 ਮੁਕਦਮਾ ਲੁੱਟ ਖੋਹ ਦਾ ਦਰਜ ਹੈ,ਉਕਤ ਨਸ਼ਾ ਤਸਕਰ ਦੀ ਇਮਾਰਤ ਤੇ ਪੀਲਾ ਪੰਜਾਂ ਚਲਾਉਣ ਲਈ ਅਜ ਦੁਪਹਿਰ ਕਰੀਬ 1 ਵਜੇ ਸਮਰਾਲਾ ਪੁਲਿਸ ਦੀ ਟੀਮ ਅਤੇ ਨਗਰ ਕੌਂਸਲ ਸਮਰਾਲਾ ਦੀ ਟੀਮ ਪਹੁੰਚੀ ਸੀ. ਪਰ ਉਕਤ ਪਰਿਵਾਰ ਵੱਲੋਂ ਸਮਰਾਲਾ ਪੁਲਿਸ ਅਤੇ ਨਗਰ ਕੌਂਸਲ ਦੀ ਟੀਮ ਅੱਗੇ ਹੱਥ ਜੋੜ ਮੁਾਫੀ ਮੰਗੀ ਗਈ ਅਤੇ ਕਿਹਾ ਗਿਆ ਕਿ ਅਸੀਂ ਆਪਣਾ ਘਰ ਦਾ ਗੁਜ਼ਾਰਾ ਬਹੁਤ ਔਖਾ ਕਰਦੇ ਹਾਂ ਜਿਸ ਕਾਰਨ ਸਮਰਾਲਾ ਪੁਲਿਸ ਤੇ ਡੀਐਸਪੀ ਤਰਲੋਚਨ ਸਿੰਘ ਵੱਲੋਂ ਇਸ ਪਰਿਵਾਰ ਨੂੰ ਚੇਤਾਵਨੀ ਦੇ ਮਾਫੀ ਦਿੱਤੀ ਗਈ. ਸਮਰਾਲਾ ਪੁਲਿਸ ਦੇ ਡੀਐਸਪੀ ਨੇ ਕਿਹਾ ਕਿ ਉਕਤ ਨਸ਼ਾ ਤਸਕਰ ਦੇ ਘਰ ਦੇ ਹਾਲਾਤ ਤਰਸਯੋਗ ਹਨ ਅਤੇ ਉਹਨਾਂ ਦੀ ਔਰਤਾਂ ਲੋਕਾਂ ਦੇ ਘਰਾਂ ਵਿੱਚ ਕੰਮ ਕਰਦੀਆਂ ਹਨ ਇਸ ਲਈ ਚੇਤਾਵਨੀ ਤੇ ਮਾਫੀ ਦੇ ਦਿੱਤੀ ਗਈ |