ਰੇਲ ਮੁਸਾਫਰਾਂ ਲਈ ਖੁਸ਼ਖਬਰੀ- ਫਿਰੋਜ਼ਪੁਰ ਡਵੀਜ਼ਨ ਵੱਲੋਂ 8 DEMU ਤੇ ਪੈਸੇਂਜਰ ਸਣੇ 10 ਨਵੀਆਂ ਰੇਲ ਗੱਡੀਆਂ ਸ਼ੁਰੂ

ਰੇਲ ਗੱਡੀਆਂ ਦੇ ਬੰਦ ਹੋਣ ਕਾਰਨ ਪਰੇਸ਼ਾਨ ਮੁਸਾਫਰਾਂ ਲਈ ਖੁਸ਼ਖਬਰੀ ਹੈ। ਰੇਲਵੇ ਦੇ ਫ਼ਿਰੋਜ਼ਪੁਰ ਡਵੀਜ਼ਨ ਨੇ ਸ਼ੁੱਕਰਵਾਰ ਤੋਂ 10 ਨਵੀਆਂ ਰੇਲ ਗੱਡੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਨ੍ਹਾਂ 8 ਡੈਮਯੂਜ਼ ਤੋਂ ਇਲਾਵਾ ਇੱਕ ਪੈਸੇਂਜਰ ਅਤੇ ਨੈਰੋ ਗੇਜ ਐਕਸਪ੍ਰੈਸ ਵੀ ਸ਼ਾਮਲ ਹੈ।

ਪੰਜਾਬ ਤੋਂ ਇਲਾਵਾ ਬੈਜਨਾਥ ਅਤੇ ਜੰਮੂ ਜਾਣ ਵਾਲਿਆਂ ਨੂੰ ਵੀ ਇਨ੍ਹਾਂ ਰੇਲ ਗੱਡੀਆਂ ਦੇ ਸ਼ੁਰੂ ਹੋਣ ਨਾਲ ਫਾਇਦਾ ਮਿਲੇਗਾ। ਕੋਰੋਨਾ ਲੌਕਡਾਊਨ ਅਤੇ ਕਿਸਾਨਾਂ ਦੇ ਅੰਦੋਲਨ ਕਾਰਨ ਰੇਲ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ। ਜਿਸ ਨੂੰ ਹੁਣ ਵਾਪਸ ਪਟੜੀ ‘ਤੇ ਲਿਆਂਦਾ ਜਾ ਰਿਹਾ ਹੈ।

ਫ਼ਿਰੋਜ਼ਪੁਰ ਰੇਲਵੇ ਡਵੀਜ਼ਨ ਵੱਲੋਂ ਹੁਣ ਤੱਕ 52 ਵਿਸ਼ੇਸ਼ ਰੇਲ ਗੱਡੀਆਂ ਚਲਾਈਆਂ ਗਈਆਂ ਹਨ। ਹਾਲਾਂਕਿ, ਹੁਣ ਤੱਕ ਸਿਰਫ ਲੰਬੀ ਦੂਰੀ ਦੀਆਂ ਵਿਸ਼ੇਸ਼ ਰੇਲ ਗੱਡੀਆਂ ਚਲਾਈਆਂ ਜਾ ਰਹੀਆਂ ਹਨ, ਜਿਸ ਵਿੱਚ ਲੋਕ ਰਿਜ਼ਰਵੇਸ਼ਨ ਰਾਹੀਂ ਹੀ ਸਫਰ ਕਰ ਸਕਦੇ ਹਨ। ਇਸ ਕਾਰਨ ਸਧਾਰਨ ਟਿਕਟਾਂ ‘ਤੇ ਸਫਰ ਕਰਨ ਵਾਲਿਆਂ ਦੀ ਮੁਸ਼ਕਲ ਬਣੀ ਰਹਿੰਦੀ ਹੈ।

ਚੱਲ ਰਹੀਆਂ ਨਵੀਆਂ ਟ੍ਰੇਨਾਂ ਇਸ ਤਰ੍ਹਾਂ ਹਨ-
ਟ੍ਰੇਨ ਨੰਬਰ 04629/04630 DEMU ਲੁਧਿਆਣਾ-ਲੋਹੀਆਂ ਖਾਸ-ਲੁਧਿਆਣਾ
04641/04642 DEMU ਜਲੰਧਰ ਸਿਟੀ-ਪਠਾਨਕੋਟ-ਜਲੰਧਰ ਸਿਟੀ
04615/04616 DEMU ਪਠਾਨਕੋਟ-ਜੰਮੂ ਤਵੀ-ਪਠਾਨਕੋਟ
04699/04700 ਨੈਰੋ ਗੇਜ ਐਕਸਪ੍ਰੈਸ ਪਠਾਨਕੋਟ – ਬੈਜਨਾਥ ਪਪਰੋਲਾ-ਪਠਾਨਕੋਟ
04603/04604 ਪੈਸੇਂਜਰ ਫ਼ਿਰੋਜ਼ਪੁਰ ਛਾਉਣੀ – ਬਠਿੰਡਾ – ਫ਼ਿਰੋਜ਼ਪੁਰ ਕੈਂਟ
04633/04634 DEMU ਫ਼ਿਰੋਜ਼ਪੁਰ ਛਾਉਣੀ – ਜਲੰਧਰ ਸ਼ਹਿਰ – ਫ਼ਿਰੋਜ਼ਪੁਰ ਕੈਂਟ
04637/04638 DEMU ਫ਼ਿਰੋਜ਼ਪੁਰ ਛਾਉਣੀ – ਜਲੰਧਰ ਸ਼ਹਿਰ – ਫ਼ਿਰੋਜ਼ਪੁਰ ਕੈਂਟ
04491/04492 DEMU ਫ਼ਿਰੋਜ਼ਪੁਰ ਕੈਂਟ-ਫਾਜ਼ਿਲਕਾ-ਫ਼ਿਰੋਜ਼ਪੁਰ ਕੈਂਟ
04473/04474 DEMU ਬਡਗਾਮ-ਬਨਿਹਾਲ-ਬਡਗਾਮ
04617/04618 DEMU ਬਾਰਾਮੂਲਾ-ਬਨਿਹਾਲ-ਬਾਰਾਮੂਲਾ
ਇਨ੍ਹਾਂ ਵਿੱਚ ਸਿਰਫ ਮਾਸਿਕ ਪਾਸ ਵਾਲੇ ਲੋਕ ਸਫਰ ਕਰ ਸਕਣਗੇ।

ਹੁਣ ਤੱਕ ਮਾਸਿਕ ਸੀਜ਼ਨ ਪਾਸ (ਐਮਐਸਟੀ) ਵਾਲੇ ਵਿਸ਼ੇਸ਼ ਰੇਲ ਗੱਡੀਆਂ ਕਾਰਨ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੇ ਸਨ। ਪਾਸ ਵਾਲੇ ਯਾਤਰੀ ਇਨ੍ਹਾਂ ਨਵੀਆਂ ਰੇਲ ਗੱਡੀਆਂ ਵਿੱਚ ਵੀ ਸਫ਼ਰ ਕਰ ਸਕਦੇ ਹਨ। ਰੇਲਵੇ ਅਧਿਕਾਰੀਆਂ ਦੇ ਅਨੁਸਾਰ ਇਨ੍ਹਾਂ ਟ੍ਰੇਨਾਂ ਤੋਂ ਇਲਾਵਾ ਹੋਰ ਟ੍ਰੇਨਾਂ ਵਿੱਚ ਪਾਸ ਵੈਧ ਨਹੀਂ ਹੋਵੇਗਾ ਅਤੇ ਯਾਤਰੀ ਨੂੰ ਬੇਟਿਕਟ ਮੰਨਿਆ ਜਾਵੇਗਾ। ਉਨ੍ਹਾਂ ਨੂੰ ਇਸ ਆਧਾਰ ‘ਤੇ ਜੁਰਮਾਨਾ ਕੀਤਾ ਜਾਵੇਗਾ।