ਅਫਗਾਨਿਸਤਾਨ ‘ਚ ਵਿਗੜੇ ਹਲਾਤਾਂ ਦੌਰਾਨ ਇੰਗਲੈਂਡ ‘ਚ ਖੇਡ ਰਹੇ ਰਾਸ਼ਿਦ ਖਾਨ ਦੀ ਵਧੀ ਚਿੰਤਾ, ਅਫਗਾਨਿਸਤਾਨ ‘ਚ ਫਸਿਆ ਪਰਿਵਾਰ

ਅਫਗਾਨਿਸਤਾਨ ਵਿੱਚ ਹਲਾਤ ਲਗਾਤਾਰ ਬੇਕਾਬੂ ਹੁੰਦੇ ਜਾਂ ਰਹੇ ਹਨ। ਤਾਲਿਬਾਨ ਨੇ ਅਫਗਾਨਿਸਤਾਨ ‘ਤੇ ਕਬਜ਼ਾ ਕਰ ਲਿਆ ਹੈ। ਅਫਗਾਨਿਸਤਾਨ ਦੇ ਬਾਕੀ ਨਾਗਰਿਕਾਂ ਦੀ ਤਰ੍ਹਾਂ, ਉੱਥੇ ਦੇ ਸਟਾਰ ਕ੍ਰਿਕਟਰ ਰਾਸ਼ਿਦ ਖਾਨ ਲਈ ਵੀ ਇਹ ਮਸੁਕਿਲ ਸਮਾਂ ਹੈ।

ਰਾਸ਼ਿਦ ਇਨੀਂ ਦਿਨੀਂ ਇੰਗਲੈਂਡ ਵਿੱਚ ਦਿ ਹੰਡਰੇਡ ਟੂਰਨਾਮੇਂਟ ਵਿੱਚ ਖੇਡ ਰਿਹਾ ਹੈ। ਪਰ ਉਸ ਦਾ ਪਰਿਵਾਰ ਅਫਗਾਨਿਸਤਾਨ ਵਿੱਚ ਫਸਿਆ ਹੋਇਆ ਹੈ। ਰਾਸ਼ਿਦ ਆਪਣੇ ਪਰਿਵਾਰ ਅਤੇ ਅਫਗਾਨ ਲੋਕਾਂ ਬਾਰੇ ਚਿੰਤਤ ਹੈ। ਰਾਸ਼ਿਦ ਖਾਨ ਨੇ ਐਤਵਾਰ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ਾਂਤੀ ਦੀ ਅਪੀਲ ਕਰਦੇ ਹੋਏ ਅਫਗਾਨਿਸਤਾਨ ਦਾ ਝੰਡਾ ਲਗਾਇਆ ਸੀ। ਰਾਸ਼ਿਦ ਨੇ ਪਿਛਲੇ ਮਹੀਨੇ ਅਫਗਾਨਿਸਤਾਨ ਦੀ ਸਥਿਤੀ ਬਾਰੇ ਕਿਹਾ ਸੀ ਕਿ ਇਹ ਤੁਹਾਨੂੰ ਇੱਕ ਖਿਡਾਰੀ ਵਜੋਂ ਬਹੁਤ ਦੁਖੀ ਕਰਦਾ ਹੈ। ਇਹ ਬਹੁਤ ਦੁਖਦਾਈ ਹੈ, ਫਿਰ ਵੀ ਅਸੀਂ ਮੈਦਾਨ ‘ਤੇ ਕੁੱਝ ਖਾਸ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਰਾਸ਼ਿਦ ਖਾਨ ਦੇ ਸਾਥੀ ਸਮਿਤ ਪਟੇਲ, ਜੋ ਦਿ ਹੰਡਰਡ ਵਿੱਚ ਉੱਤਰੀ ਸੁਪਰਚਾਰਜਸ ਲਈ ਖੇਡ ਰਹੇ ਹਨ, ਨੇ ਕਿਹਾ ਕਿ ਉਹ ਪਹਿਲਾਂ ਵਾਂਗ ਖੁਸ਼ ਨਹੀਂ ਹਨ। ਅਸੀਂ ਇਸ ਨੂੰ ਸਮਝਦੇ ਹਾਂ। ਇਹ ਮਾਮਲਾ ਹੁਣ ਕਾਫੀ ਤਾਜ਼ਾ ਹੈ। ਹਾਲਾਂਕਿ, ਖੇਡ ਦੇ ਕਾਰਨ, ਉਨ੍ਹਾਂ ਦਾ ਧਿਆਨ ਇਸ ਪਾਸੇ ਤੋਂ ਹੱਟਦਾ ਹੈ ਅਤੇ ਉਹ ਖੇਡ ਵਿੱਚ 100 ਪ੍ਰਤੀਸ਼ਤ ਪਰਫਾਰਮੈਂਸ ਦਿੰਦਾ ਹੈ।

ਇਸ ਦੇ ਨਾਲ ਹੀ ਇੰਗਲੈਂਡ ਦੇ ਸਾਬਕਾ ਬੱਲੇਬਾਜ਼ ਕੇਵਿਨ ਪੀਟਰਸਨ ਨੇ ਕੋਮੈਂਟਰੀ ਦੌਰਾਨ ਕਿਹਾ ਕਿ ਰਾਸ਼ਿਦ ਖਾਨ ਦੇ ਘਰ ਬਹੁਤ ਕੁੱਝ ਹੋ ਰਿਹਾ ਹੈ। ਅਸੀਂ ਇਸ ਬਾਰੇ ਲੰਮੀ ਗੱਲ ਕੀਤੀ ਅਤੇ ਉਹ ਚਿੰਤਤ ਹੈ। ਪੀਟਰਸਨ ਨੇ ਕਿਹਾ ਕਿ ਉਹ ਆਪਣੇ ਪਰਿਵਾਰ ਨੂੰ ਅਫਗਾਨਿਸਤਾਨ ਤੋਂ ਬਾਹਰ ਲਿਜਾਣ ਵਿੱਚ ਸਮਰੱਥ ਨਹੀਂ ਹਨ। ਉੱਥੇ ਬਹੁਤ ਕੁੱਝ ਹੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇੰਨੇ ਦਬਾਅ ਹੇਠ ਇੰਨਾ ਵਧੀਆ ਪ੍ਰਦਰਸ਼ਨ ਕਰਨਾ, ਇਹ ਦਿਲ ਨੂੰ ਛੂਹਣ ਵਾਲੀਆਂ ਕਹਾਣੀਆਂ ਵਿੱਚੋਂ ਇੱਕ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਰਾਸ਼ਿਦ ਖਾਨ ਨੇ ਦਿ ਹੰਡਰੇਡ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ ਹੈ। ਉਸ ਨੇ 6 ਮੈਚ ਖੇਡੇ ਹਨ ਅਤੇ 12 ਵਿਕਟਾਂ ਲਈਆਂ ਹਨ। ਉਹ ਸਭ ਤੋਂ ਵੱਧ ਵਿਕਟਾਂ ਲੈਣ ਦੇ ਮਾਮਲੇ ਵਿੱਚ ਸਾਂਝੇ ਤੌਰ ‘ਤੇ ਸਿਖਰ’ ਤੇ ਚੱਲ ਰਹੇ ਹਨ।