ਅੱਜ ਸ਼੍ਰੋਮਣੀ ਅਕਾਲੀ ਦਲ ਦੀ ਪਟਿਆਲਾ ਦੀ ਟੀਮ ਦੇ ਦੁਆਰਾ ਇੱਕ ਪ੍ਰੈੱਸ ਕਾਨਫਰੰਸ ਦਾ ਆਯੋਜਨ

ਇਸ ਮੌਕੇ ਹਲਕਾ ਪਟਿਆਲਾ ਤੋਂ ਅਬਜਰਵਰ ਲਗਾਏ ਗਏ ਯੂਥ ਵਿੰਗ ਦੇ ਪ੍ਰਧਾਨ ਸਰਬਜੀਤ ਝਿੰਜਰ ਨੇ ਕਿਹਾ ਕਿ ਪਟਿਆਲਾ ਜ਼ਿਲ੍ਹੇ ਦੇ ਵਿੱਚ ਤਕਰੀਬਨ ਢਾਈ ਲੱਖ ਦੇ ਕਰੀਬ ਨਵੀਂ ਭਰਤੀ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿੱਚ ਕੀਤੀ ਗਈ ਹੈ ਅਤੇ ਜਲਦ ਹੀ ਪਾਰਟੀ ਦਫਤਰ ਦੇ ਵਿੱਚ ਸਬੰਧਤ ਫਾਰਮ ਭੇਜੇ ਜਾਣਗੇ। ਇਸ ਮੌਕੇ ਜਿੱਥੇ ਕੱਲ ਗਿਆਨੀ ਹਰਪ੍ਰੀਤ ਸਿੰਘ ਦੀ ਭੁੰਨਰਹੇੜੀ ਵਿਖੇ ਫੇਰੀ ਦੇ ਉੱਪਰ ਸਵਾਲ ਚੁੱਕਦਿਆਂ ਉਹਨਾਂ ਕਿਹਾ ਕਿ ਇੱਕ ਪਾਸੇ ਤਾਂ ਸਾਬਕਾ ਜਥੇਦਾਰ ਸਾਹਿਬ ਦੇ ਦੁਆਰਾ ਅਕਾਲ ਤਖਤ ਸਾਹਿਬ ਦੀ ਫਸੀਲ ਦੇ ਉੱਪਰ ਚੰਦੂ ਮਾਜਰਾ ਅਤੇ ਉਸਦੇ ਪਰਿਵਾਰ ਨੂੰ ਜਮ ਕੇ ਭੰਡਿਆ ਸੀ ਅਤੇ ਦੂਜੇ ਪਾਸੇ ਕੱਲ ਉਹਨਾਂ ਦੇ ਕਰਵਾਏ ਪ੍ਰੋਗਰਾਮਾਂ ਦੇ ਵਿੱਚ ਸਨਮਾਨ ਹਾਸਲ ਕਰਨੇ ਸਾਫ ਦਰਸਾਉਂਦਾ ਹੈ ਕਿ ਗਿਆਨੀ ਹਰਪ੍ਰੀਤ ਸਿੰਘ ਹੁਣ ਆਪਣਾ ਰਾਜਨੀਤਿਕ ਸਫਰ ਸ਼ੁਰੂ ਕਰਨਾ ਚਾਹੁੰਦੇ ਹਨ ਅਤੇ ਇਸੇ ਦੇ ਤਹਿਤ ਹੁਣ ਉਹ ਪਾਰਟੀ ਅਤੇ ਕੌਮ ਦੇ ਗਦਾਰਾਂ ਦੇ ਨਾਲ ਮਿਲ ਕੇ ਸਿੱਖ ਸੰਗਤਾਂ ਨੂੰ ਦੁਬਿਧਾ ਦੇ ਵਿੱਚ ਪਾ ਰਹੇ ਹਨ।
ਸਿੱਖ ਸੰਗਤਾਂ ਨੂੰ ਚਾਹੀਦਾ ਹੈ ਕਿ ਉਹ ਅਸਲ ਅਕਾਲੀਆਂ ਨੂੰ ਪਹਿਚਾਨਣ । ਉਹਨਾਂ ਗਿਆਨੀ ਹਰਪ੍ਰੀਤ ਸਿੰਘ ਹੋਰਾਂ ਤੇ ਬੋਲਦਿਆਂ ਕਿਹਾ ਕਿ ਜਿਸ ਪਦਵੀ ਦੇ ਉੱਪਰ ਉਹ ਰਹੇ ਹਨ ਉਸੇ ਪਦਵੀ ਦੇ ਕਾਰਨ ਉਹਨਾਂ ਨੂੰ ਵੱਖ ਵੱਖ ਰਾਜਨੀਤਿਕ ਲੋਕਾਂਦੇ ਵਿੱਚ ਮਾਣ ਸਨਮਾਨ ਦੇ ਵਜੋਂ ਬੁਲਾਇਆ ਗਿਆ ਪਰ ਉਹਨਾਂ ਨੂੰ ਵਹਿਮ ਹੈ ਕਿ ਆਪਣੇ ਨਿੱਜੀ ਵਿਹਾਰ ਦੇ ਚਲਦੇ ਉਹਨਾਂ ਦੀ ਰਾਜਨੀਤਿਕ ਸਾਂਝਾਂ ਹਨ।
ਨਾਲ ਹੀ ਉਹਨਾਂ ਕਿਹਾ ਕਿ ਇਹ ਬੜੀ ਸ਼ਰਮ ਦੀ ਗੱਲ ਹੈ ਕਿ ਇੱਕ ਜਥੇਦਾਰ ਇਹ ਗੱਲ ਕਵੇ ਕਿ ਉਹ ਰਾਗਵ ਝੱਡਾ ਦੇ ਵਿਆਹ ਦੇ ਵਿੱਚ ਇਸ ਕਰਕੇ ਸ਼ਾਮਿਲ ਹੋਇਆ ਸੀ ਕਿਉਂਕਿ ਉਸ ਦੀਆਂ ਬੱਚੀਆਂ ਪ੍ਰਿੰਕਾ ਚੋਪੜਾ ਨੂੰ ਮਿਲਣਾ ਚਾਹੁੰਦੀਆਂ ਸਨ।