ਡੀ ਆਈ ਜੀ ਪਟਿਆਲਾ ਰੇਂਜ ਸ੍ਰੀ ਮਨਦੀਪ ਸਿੰਘ ਸਿੱਧੂ ਨੇ ਮੁੱਖ ਮੰਤਰੀ, ਪੰਜਾਬ ਸ ਭਗਵੰਤ ਸਿੰਘ ਮਾਨ ਵੱਲੋਂ ਪੰਜਾਬ ਸੂਬੇ ਨੂੰ ਨਸ਼ਾ ਮੁਕਤ ਕਰਨ ਸਬੰਧੀ ‘ਯੁੱਧ ਨਸਿ਼ਆਂ ਵਿਰੁੱਧ’ ਮੁਹਿੰਮ ਵਾਰੇ ਦਿੱਤਾ ਬਿਆਨ

ਡੀ ਆਈ ਜੀ ਪਟਿਆਲਾ ਰੇਂਜ ਸ੍ਰੀ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਮੁੱਖ ਮੰਤਰੀ, ਪੰਜਾਬ ਸ ਭਗਵੰਤ ਸਿੰਘ ਮਾਨ ਵੱਲੋਂ ਪੰਜਾਬ ਸੂਬੇ ਨੂੰ ਨਸ਼ਾ ਮੁਕਤ ਕਰਨ ਸਬੰਧੀ ‘ਯੁੱਧ ਨਸਿ਼ਆਂ ਵਿਰੁੱਧ’ ਮੁਹਿੰਮ ਚਲਾਈ ਗਈ ਹੈ, ਜਿਸ ਸਬੰਧੀ ਡਾਇਰੈਕਟਰ ਜਨਰਲ ਪੁਲਿਸ, ਪੰਜਾਬ, ਗੌਰਵ ਯਾਦਵ ਦੇ ਦਿਸ਼ਾ–ਨਿਰਦੇਸ਼ਾਂ ਅਨੁਸਾਰ ਕਾਰਵਾਈ ਕਰਦਿਆਂ ਪਟਿਆਲਾ ਰੇਂਜ, ਪਟਿਆਲਾ ਅਧੀਨ ਪੈਂਦੇ ਚਾਰ ਜ਼ਿਲ੍ਹਿਆਂ ਪਟਿਆਲਾ, ਸੰਗਰੂਰ, ਬਰਨਾਲਾ ਅਤੇ ਮਾਲੇਰਕੋਟਲਾ ਵਿੱਚ ਮਿਤੀ 01.01.2025 ਤੋਂ ਹੁਣ ਤੱਕ ਐਨ.ਡੀ.ਪੀ.ਐਸ. ਐਕਟ ਅਧੀਨ 484 ਮੁਕੱਦਮੇ ਦਰਜ ਕਰਕੇ 693 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਉਨ੍ਹਾਂ ਪਾਸੋਂ ਹੈਰੋਇਨ 21.9 ਕਿਲੋਗ੍ਰਾਮ, ਸਮੈਕ 3.6 ਕਿਲੋਗ੍ਰਾਮ, ਭੁੱਕੀ/ਚੂਰਾ ਪੋਸਤ ਕਰੀਬ 2525 ਕਿਲੋਗ੍ਰਾਮ, ਅਫੀਮ ਕਰੀਬ 17.5 ਕਿਲੋ, ਸੁਲਫ਼ਾ/ਗਾਂਜਾ ਕਰੀਬ 83 ਕਿਲੋਗ੍ਰਾਮ, ਨਸ਼ੀਲੀਆਂ ਗੋਲੀਆਂ/ਕੈਪਸੂਲ 1,33,400 (ਗਿਣਤੀ) ਅਤੇ ਡਰੱਗ ਮਨੀ 15,18,740 ਰੁਪਏ ਅਤੇ ਦੋਸ਼ੀਆਂ ਵੱਲੋਂ ਨਸ਼ਾ ਸਪਲਾਈ ਦੇ ਧੰਦੇ ਵਿੱਚ ਵਰਤੇ ਜਾਣ ਵਾਲੇ 56 ਵਹੀਕਲਾਂ ਨੂੰ ਬਰਾਮਦ ਕੀਤਾ ਹੈ। ਪਟਿਆਲਾ ਰੇਂਜ ਪੁਲਿਸ ਵੱਲੋਂ ਇਸ ਅਰਸੇ ਦੌਰਾਨ 08 ਪੀ.ਓ. ਗ੍ਰਿਫ਼ਤਾਰ ਕੀਤੇ ਗਏ। ਨਸ਼ਾ ਤਸਕਰਾਂ ਵੱਲੋਂ ਨਸ਼ਾ ਵੇਚ ਕੇ ਖਰੀਦ ਕੀਤੀਆਂ ਗਈਆਂ 11 ਪ੍ਰਾਪਰਟੀਆਂ, ਜਿਸਦੀ ਕੁੱਲ ਰਕਮ 4,83,01,745/– ਰੁਪੈ: ਹੈ, ਨੂੰ ਫਰੀਜ਼ ਕਰਵਾਇਆ ਗਿਆ ਹੈ ਅਤੇ 06 ਨਜਾਇਜ਼ ਉਸਾਰੀ ਕੀਤੇ ਗਏ ਮਕਾਨਾਂ ਨੂੰ ਵੀ ਜਿਲ੍ਹਾ ਪ੍ਰਸ਼ਾਸਨ ਵੱਲੋਂ ਪੁਲਿਸ ਦੀ ਮਦਦ ਨਾਲ ਢਹਿ–ਢੇਰੀ ਕੀਤਾ ਗਿਆ ਹੈ।
ਇਸੇ ਦੌਰਾਨ ਨਸਿ਼ਆਂ ਵਿਰੁੱਧ ਜਾਗਰੂਕ ਕਰਦੇ ਹੋਏ 1171 ਸੈਮੀਨਾਰ ਲਗਾਏ ਗਏ, 526 ਸੰਪਰਕ ਮੀਟਿੰਗਾਂ ਕੀਤੀਆਂ ਗਈਆਂ ਅਤੇ ਨਸ਼ਾ ਵਿਰੁੱਧ 03 ਸਾਈਕਲ ਰੈਲੀਆਂ, 01 ਪੈਦਲ ਰੈਲੀ ਅਤੇ 01 ਸਪੋਰਟਸ ਈਵੈਂਟ ਕਰਵਾਇਆ ਗਿਆ, ਜਿਨ੍ਹਾਂ ਤੋਂ ਪ੍ਰੇਰਿਤ ਹੋਕਰ 58 ਨਸ਼ਾ ਦਾ ਸੇਵਨ ਕਰਨ ਵਾਲੇ ਪੀੜਤਾਂ ਨੇ ਆਪਣੀ ਸਵੈ–ਇੱਛਾ ਨਾਲ ਨਸ਼ਾ ਛੱਡਣ ਪ੍ਰਤੀ ਪੁਲਿਸ ਨਾਲ ਤਾਲਮੇਲ ਕੀਤਾ, ਜਿਨ੍ਹਾਂ ਨੂੰ ਨਸ਼ਾ ਮੁਕਤੀ ਕੇਂਦਰਾਂ ਅਤੇ ਓਟ ਕੇਂਦਰਾਂ ਵਿੱਚ ਭਰਤੀ ਕਰਵਾਇਆ ਗਿਆ। ਪਟਿਆਲਾ ਰੇਂਜ ਪੁਲਿਸ ਵੱਲੋਂ ਹੌਟਸਪੌਟ ਏਰੀਆ ਵਿੱਚ ਨਸ਼ਾ ਤਸਕਰਾਂ ਪਰ ਸਖ਼ਤੀ ਨਾਲ ਕਾਰਵਾਈ ਕਰਦਿਆਂ ਹੋਇਆਂ 52 ਕਾਸੋ ਉਪਰੇਸ਼ਨ ਕੀਤੇ ਗਏ। ਬਰਾਮਦ ਨਸ਼ੀਲੇ ਪਦਾਰਥਾਂ ਵਿੱਚੋਂ ਭੁੱਕੀ ਕਰੀਬ 2464 ਕਿਲੋਗ੍ਰਾਮ, ਅਫੀਮ 22.96 ਕਿਲੋਗ੍ਰਾਮ, ਹੈਰੋਇਨ 2.27 ਕਿਲੋਗ੍ਰਾਮ ਅਤੇ ਗੋਲੀਆਂ/ਕੈਪਸੂਲ 13260 (ਗਿਣਤੀ) ਤਲਫ਼ ਕਰਵਾਈ ਗਈ। ਕੁੱਲ 1315 ਵਿਲੇਜ਼ ਡਿਫੈਂਸ ਕਮੇਟੀਆਂ ਵਿੱਚੋਂ 279 ਵਿਲੇਜ਼ ਡਿਫੈਂਸ ਕਮੇਟੀਆਂ ਅਤੇ 384 ਵਾਰਡ ਡਿਫੈਂਸ ਕਮੇਟੀਆਂ ਵਿੱਚੋਂ 122 ਕਮੇਟੀਆਂ ਨੇ ਨਸ਼ਾ ਵੇਚਣ ਵਾਲਿਆਂ ਵਿਰੁੱਧ ਮਤੇ ਪਾਏ ਹਨ।
ਇਸ ਤੋਂ ਇਲਾਵਾ ਨਜਾਇਜ਼ ਸ਼ਰਾਬ ਦੀ ਬਣਤਰ ਅਤੇ ਵਿਕਰੀ ਵਿਰੁੱਧ ਕਾਰਵਾਈ ਕਰਦੇ ਹੋਏ ਪਟਿਆਲਾ ਰੇਂਜ, ਪੁਲਿਸ ਵੱਲੋਂ ਕੁੱਲ 138 ਮੁਕੱਦਮੇ ਦਰਜ ਕਰਕੇ 149 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਜਿਨ੍ਹਾਂ ਪਾਸੋਂ ਕਰੀਬ 60823 ਲੀਟਰ ਨਜਾਇਜ਼ ਸ਼ਰਾਬ ਅਤੇ ਕਰੀਬ 2410 ਲੀਟਰ ਲਾਹਣ ਬਰਾਮਦ ਕੀਤਾ ਗਿਆ। ਪਟਿਆਲਾ ਰੇਂਜ ਦੀ ਪੁਲਿਸ ਵੱਲੋਂ ਅਮਨ–ਕਾਨੂੰਨ ਦੀ ਸਥਿਤੀ ਨੂੰ ਬਰਕਰਾਰ ਰੱਖਣ ਲਈ ਗੈਂਗਸਟਰਾਂ ਵਿਰੁੱਧ ਕਾਰਵਾਈ ਕਰਦਿਆਂ ਹੋਇਆਂ 06 ਮੁਕੱਦਮੇ ਦਰਜ ਕਰਕੇ 16 ਅਸਲੇ, 59 ਕਾਰਤੂਸ ਅਤੇ 02 ਵਹੀਕਲ ਬਰਾਮਦ ਕੀਤੇ ਗਏ। ਐਨ.ਡੀ.ਪੀ.ਐਸ. ਐਕਟ ਅਧੀਨ ਦਰਜ ਮੁਕੱਦਮਿਆਂ ਦੀ ਪੈਰਵੀ ਕਰਦੇ ਹੋਏ ਮਾਨਯੋਗ ਅਦਾਲਤਾਂ ਵਿੱਚ ਇਸ ਅਰਸੇ ਦੌਰਾਨ 227 ਮੁਕੱਦਮਿਆਂ ਦਾ ਨਿਪਟਾਰਾ ਹੋਇਆ, ਜਿਨ੍ਹਾਂ ਵਿਚੋਂ 212 ਮੁਕੱਦਮਾਤ ਸਜ਼ਾ ਕਰਵਾਏ ਗਏ ਹਨ, ਜਿਨ੍ਹਾਂ ਦੀ ਸਜ਼ਾ ਪ੍ਰਤੀਸ਼ਤਤਾ 93.4 ਰਹੀ। ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ ਦੀ ਮੁਹਿੰਮ ਤਹਿਤ ਸੇਫ ਪੰਜਾਬ ਦਾ ਨੰਬਰ 97791–00200 ਜਾਰੀ ਕੀਤਾ ਗਿਆ ਹੈ। ਆਮ ਜਨਤਾ ਇਸ ਪਰ ਨਸ਼ਾ ਤਸਕਰਾਂ ਖਿਲਾਫ਼ ਸਹੀ ਸੂਚਨਾ ਦੇ ਸਕਦੀ ਹੈ।