ਗੈਂਗਸਟਰ ਲਾਰੈਂਸ ਨੂੰ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆਏਗੀ ਚੰਡੀਗੜ੍ਹ ਪੁਲਿਸ, ਸੋਨੂੰ ਸ਼ਾਹ ਕਤਲਕਾਂਡ ‘ਚ ਹੋਵੇਗੀ ਪੁੱਛਗਿਛ

ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੂੰ ਚੰਡੀਗੜ੍ਹ ਪੁਲਿਸ ਪ੍ਰੋਡਕਸ਼ਨ ਵਾਰੰਟ ‘ਤੇ ਲੈ ਕੇ ਆਏਗੀ। ਸਿੱਧੂ ਮੂਸੇਵਾਲਾ ਹੱਤਿਆਕਾਂਡ ਦਾ ਮਾਸਟਰਮਾਈਂਡ ਲਾਰੈਂਸ ਨੂੰ ਚੰਡੀਗੜ੍ਹ ਦੇ ਬੁੜੈਲ ਨਿਵਾਸੀ ਪ੍ਰਾਪਰਟੀ ਡੀਲਰ ਸੋਨੂੰ ਸ਼ਾਹ ਹੱਤਿਆਕਾਂਡ ਮਾਮਲੇ ਵਿਚ ਪੁਲਿਸ ਪ੍ਰੋਕਸ਼ਨ ਵਾਰੰਟ ‘ਤੇ ਲਿਆਉਣ ਦੀ ਤਿਆਰੀ ਵਿਚ ਹੈ।

ਮੋਹਾਲੀ ਪੁਲਿਸ ਲਾਰੈਂਸ ਨੂੰ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆ ਕੇ ਪੁੱਛਗਿਛ ਕਰਨ ਵਿਚ ਲੱਗੀ ਹੈ। 28 ਸਤੰਬਰ 2019 ਨੂੰ ਬੁੜੈਲ ਸਥਿਤ ਦਫਤਰ ਵਿਚ ਸੋਨੂੰ ਸ਼ਾਹ ਨੂੰ 10 ਗੋਲੀਆਂ ਮਾਰ ਕੇ ਹੱਤਿਆ ਕੀਤੀ ਗਈ ਸੀ। ਚਾਰ ਬਦਮਾਸ਼ਾਂ ਨੇ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ।

ਪਿਛਲੀ ਵਾਰ ਰਿਮਾਂਡ ਦੌਰਾਨ ਯੂਟੀ ਪੁਲਿਸ ਨੇ ਤੇਵਰ ਦਿਖਾਉਣ ਵਾਲਾ ਲਾਰੈਂਸ ਹੁਣ ਸੁਪਰੀਮ ਕੋਰਟ ਪਹੁੰਚ ਚੁੱਕਾ ਹੈ। ਕਹਿ ਰਿਹਾ ਹੈ ਕਿ ਉਸ ਨੂੰ ਡਰ ਹੈ ਕਿ ਚੰਡੀਗੜ੍ਹ ਪੁਲਿਸ ਉਸ ਦਾ ਫੇਕ ਇਨਕਾਊਂਟਰ ਕਰ ਦੇਵੇਗੀ। ਚੰਡੀਗੜ੍ਹ ਪੁਲਿਸ ਵੀ ਉਸ ਨੂੰ ਹਰ ਹਾਲ ਵਿਚ ਗ੍ਰਿਫਤ ਵਿਚ ਲੈਣ ਲਈ ਬੇਕਰਾਰ ਹੈ। ਪਹਿਲੀ ਵਾਰ ਕਿਸੇ ਗੈਂਗਸਟਰ ਦਾ ਪ੍ਰੋਡਕਸ਼ਨ ਵਾਰੰਟ ਹਾਸਲ ਕਰਨ ਲਈ ਚੰਡੀਗੜ੍ ਪੁਲਿਸ ਸੁਪਰੀਮ ਕੋਰਟ ਪਹੁੰਚੀ ਹੈ। ਪੁਲਿਸ ਵਿਭਾਗ ਵੱਲੋਂ ਦੱਸਿਆ ਗਿਆ ਕਿ ਬਿਸ਼ਨੋਈ ਚਾਰ ਕੇਸਾਂ ਵਿਚ ਵਾਂਟੇਡ ਹੈ ਤੇ ਸਾਰੇ ਵੱਡੇ ਅਪਰਾਧਕ ਕੇਸ ਹਨ। ਉਸ ਤੋਂ ਪੁੱਛਗਿਛ ਬਹੁਤ ਜ਼ਰੂਰੀ ਹੈ।

ਹਾਈਕੋਰਟ ਨੇ ਕਿਹਾ ਸੀ ਕਿ ਲਾਰੈਂਸ ਦੀ ਪਟੀਸ਼ਨ ਖਾਰਜ ਕਰ ਦਿੱਤੀ ਸੀ। ਯੂਟੀ ਪੁਲਿਸ ਦੇ ਤਤਕਾਲੀ ਡੀਆਈਜੀ ਓਮਬੀਰ ਸਿੰਘ ਲਾਰੈਂਸ ਨੂੰ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆਉਣ ਦੀ ਪੂਰੀ ਕਾਰਵਾਈ ਕਰਨਗੇ। ਲਾਰੈਂਸ ਨੂੰ ਘੱਟ ਤੋਂ ਘੱਟ 20 ਪੁਲਿਸ ਵਾਲੇ ਲਿਆਉਣਗੇ। ਇਨ੍ਹਾਂ ਵਿਚ ਇਕ ਡੀਐੱਸਪੀ, ਦੋ ਇੰਸਪੈਕਟਰ 17 ਪੁਲਿਸ ਮੁਲਾਜ਼ਮ ਹੋਣਗੇ। ਲਾਰੈਂਸ ਨੂੰ ਲਿਆਉਣ ਤੇ ਲਿਜਾਣ ਤੱਕ ਹਰ ਮੂਵਮੈਂਟ ਦੀ ਵੀਡੀਓਗ੍ਰਾਫੀ ਹੋਵੇਗੀ।

ਇਸ ਦੇ ਬਾਵਜੂਦ ਲਾਰੈਂਸ ਦਾ ਡਰ ਖਤਮ ਨਹੀਂ ਹੋਇਆ ਤੇ ਪ੍ਰੋਡਕਸ਼ਨ ਵਾਰੰਟ ਖਿਲਾਫ ਉਹ ਸੁਪਰੀਮ ਕੋਰਟ ਪਹੁੰਚ ਗਿਆ। ਸੁਪਰੀਮ ਕੋਰਟ ਨੇ ਹਾਈਕੋਰਟ ਦੇ ਹੁਕਮਾਂ ਨੂੰ ਸਟੇਅ ਲਗਾ ਦਿੱਤੀ ਤੇ ਚੰਡੀਗੜ੍ਹ ਪੁਲਿਸ ਨੂੰ 22 ਮਾਰਚ ਤੱਕ ਜਵਾਬ ਦਾਇਰ ਕਰਨ ਲਈ ਕਿਹਾ। ਹੁਣ ਉਸ ਨੂੰ ਰਿਮਾਂਡ ‘ਤੇ ਲੈਣ ਲਈ ਯੂਟੀ ਪੁਲਿਸ ਸੁਪਰੀਮ ਕੋਰਟ ਪਹੁੰਚ ਗਈ। ਪੁਲਿਸ ਨੇ ਲਾਰੈਂਸ ਤੋਂ ਦੋ ਫਿਰੌਤੀ ਦੇ ਕੇਸਾਂ ਤੋਂ ਇਲਾਵਾ ਸ਼ਰਾਬ ਠੇਕੇਦਾਰ ਦੇ ਘਰ ‘ਤੇ ਗੋਲੀ ਚਲਾਉਣ ਦੇ ਮਾਮਲੇ ਵਿਚ ਪੁੱਛਗਿਛ ਕਰਨੀ ਹੈ।