ਕੋਰਟ ਕੰਪਲੈਕਸ ਬੰਬ ਧਮਾਕੇ ‘ਚ ਮਾਰੇ ਗਏ ਖੰਨਾ ਦੇ ਸਾਬਕਾ ਪੁਲਸ ਕਾਂਸਟੇਬਲ ਗਗਨਦੀਪ ਸਿੰਘ ਘਟਨਾ ਤੋਂ ਪਹਿਲਾਂ ਸਕੂਟੀ ‘ਤੇ ਘਰੋਂ ਨਿਕਲਿਆ ਸੀ। ਰਸਤੇ ਵਿੱਚ ਉਸ ਨੇ ਸਿਵਲ ਹਸਪਤਾਲ ਦੀ ਪਾਰਕਿੰਗ ਵਿੱਚ ਸਕੂਟੀ ਖੜ੍ਹੀ ਕੇ ਬੱਸ ਵਿੱਚ ਸਵਾਰ ਹੋ ਕੇ ਲੁਧਿਆਣੇ ਆ ਗਿਆ। ਸੀਆਈਏ ਸਟਾਫ਼ ਦੀ ਪੁਲੀਸ ਨੇ ਸਕੂਟੀ ਬਰਾਮਦ ਕਰ ਲਈ ਹੈ। ਹੁਣ ਜਾਂਚ ਏਜੰਸੀਆਂ ਦੀ ਜਾਂਚ ਦੀ ਸੂਈ ਇਸ ਗੱਲ ‘ਤੇ ਟਿਕ ਗਈ ਹੈ ਕਿ ਗਗਨਦੀਪ ਖੰਨਾ ਤੋਂ ਲੁਧਿਆਣਾ ਕਿਵੇਂ ਗਿਆ ਸੀ।
ਗਗਨ ਦੇ ਖੰਨਾ ਤੋਂ ਲੁਧਿਆਣਾ ਦੇ ਸਫ਼ਰ ਦੀ ਅਜੇ ਜਾਂਚ ਏਜੰਸੀ ਵੱਲੋਂ ਪੁਸ਼ਟੀ ਨਹੀਂ ਕੀਤੀ ਗਈ। ਪੁਲੀਸ ਨੇ ਇਸ ਮਾਮਲੇ ਵਿੱਚ ਕੁਝ ਵੀ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਹੈ ਪਰ ਸੂਤਰ ਦੱਸ ਰਹੇ ਹਨ ਕਿ ਲੁਧਿਆਣਾ ਤੋਂ 10-15 ਪੁਲੀਸ ਮੁਲਾਜ਼ਮ ਸਿਵਲ ਹਸਪਤਾਲ ਪੁੱਜੇ ਸਨ। ਸਕੂਟੀ ਦੀ ਸ਼ਨਾਖਤ ਰੇਲਵੇ ਰੋਡ ਤੋਂ ਮਕੈਨਿਕ ਨੂੰ ਬੁਲਾ ਕੇ ਕੀਤੀ ਅਤੇ ਤਾਲਾ ਖੋਲ੍ਹ ਕੇ ਆਪਣੇ ਨਾਲ ਲੈ ਗਏ। ਇਸ ਦੇ ਨਾਲ ਹੀ ਘਟਨਾ ਦੇ 4 ਦਿਨ ਬਾਅਦ ਸਖ਼ਤ ਪੁਲਿਸ ਸੁਰੱਖਿਆ ਵਿਚਕਾਰ ਗਗਨਦੀਪ ਸਿੰਘ ਦਾ ਖੰਨਾ ‘ਚ ਸਸਕਾਰ ਕਰ ਦਿੱਤਾ ਗਿਆ। ਮੌਕੇ ’ਤੇ ਸਿਰਫ਼ ਗਗਨਦੀਪ ਸਿੰਘ ਦੇ ਪਰਿਵਾਰ ਨੂੰ ਹੀ ਜਾਣ ਦਿੱਤਾ ਗਿਆ।
ਸੂਤਰ ਦੱਸਦੇ ਹਨ ਕਿ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਗਗਨ ਵਿਭਾਗ ਦੇ ਕੁਝ ਕਰਮਚਾਰੀਆਂ ਨਾਲ ਲਗਾਤਾਰ ਸੰਪਰਕ ਵਿੱਚ ਸੀ। ਥਾਣੇ ਆਉਣਾ, ਉਨ੍ਹਾਂ ਨੂੰ ਮਿਲਣਾ ਤੇ ਫੋਨ ’ਤੇ ਗੱਲ ਕਰਨ ਦਾ ਸਿਲਸਿਲਾ ਜਾਰੀ ਰਿਹਾ। ਪੁਲਿਸ ਨੇ ਸਾਰੇ ਕਰਮਚਾਰੀਆਂ ਦੀ ਕਾਲ ਡਿਟੇਲ ਚੈੱਕ ਕਰਨ ਲਈ ਰਿਕਾਰਡ ਕਢਵਾ ਲਿਆ ਹੈ। ਘਟਨਾ ਤੋਂ ਇਕ ਮਹੀਨਾ ਪਹਿਲਾਂ ਤੱਕ ਦੇ ਹਰ ਵਿਅਕਤੀ ਦੇ ਕਾਲ ਰਿਕਾਰਡ ਨੂੰ ਕਢਵਾਈ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਗਗਨ ਘਰ ਤੋਂ ਸਕੂਟੀ ਅਤੇ ਫਿਰ ਬੱਸ ਰਾਹੀਂ ਲੁਧਿਆਣਾ ਪਹੁੰਚਿਆ ਸੀ ਪਰ ਲੁਧਿਆਣਾ ਪੁਲਸ ਨੂੰ ਅਦਾਲਤੀ ਕੰਪਲੈਕਸ ਤੋਂ ਕਾਰ ਲਾਵਾਰਿਸ ਹਾਲਤ ਵਿਚ ਮਿਲੀ ਸੀ। ਇਸ ਨੂੰ ਸੀਆਈਏ ਪੁਲੀਸ ਨੇ ਕਾਬੂ ਕਰ ਲਿਆ ਹੈ। ਜੇਕਰ ਉਹ ਬੱਸ ‘ਚ ਸਵਾਰ ਹੋ ਕੇ ਲੁਧਿਆਣਾ ਆਇਆ ਤਾਂ ਗੱਡੀ ਜੋ ਪੁਲਸ ਨੂੰ ਮਿਲੀ ਹੈ ਉਹ ਕਿਸਦੀ ਹੈ। ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਕਾਰ ‘ਚੋਂ ਦਸਤਾਵੇਜ਼ ਵੀ ਮਿਲੇ ਹਨ।
ਮਾਮਲੇ ‘ਚ ਮਹਿਲਾ ਕਾਂਸਟੇਬਲ ਦੋਸਤ ਸਮੇਤ 9 ਲੋਕਾਂ ਤੋਂ ਪੁਲਸ-ਏਜੰਸੀਆਂ ਪੁੱਛਗਿੱਛ ਕਰ ਰਹੀਆਂ ਹਨ। ਪੁਲਿਸ ਨੇ ਜੇਲ੍ਹ ਤੋਂ ਪ੍ਰੋਡਕਸ਼ਨ ਵਾਰੰਟਾਂ ‘ਤੇ ਲਿਆਂਦੇ ਰਣਜੀਤ, ਸੁਖਵਿੰਦਰ ਅਤੇ ਬਾਕੀਆਂ ਤੋਂ 12 ਘੰਟੇ ਤੱਕ ਪੁੱਛਗਿੱਛ ਕੀਤੀ। ਐਨਆਈਏ ਦੀ ਟੀਮ ਵੀ ਇਸ ਵਿੱਚ ਸ਼ਾਮਲ ਸੀ। ਪੁਲਿਸ ਨੇ ਗਗਨ ਦੇ ਰਿਸ਼ਤੇਦਾਰਾਂ ਨੂੰ ਵੀ ਪੁੱਛਗਿੱਛ ਲਈ ਬੁਲਾਇਆ ਸੀ। ਹਾਲਾਂਕਿ ਸੁਰਾਗ ਨਹੀਂ ਮਿਲ ਸਕਿਆ। ਇਸ ਦੇ ਨਾਲ ਹੀ ਘਟਨਾ ਦੌਰਾਨ ਜਦੋਂ ਵੀ ਏਜੰਸੀਆਂ ਨੇ ਗਗਨ ਦੀ ਪਤਨੀ ਤੋਂ ਪੁੱਛਗਿੱਛ ਕੀਤੀ, ਹਰ ਵਾਰ ਬਿਆਨਾਂ ‘ਚ ਫਰਕ ਆਇਆ। ਪਹਿਲਾਂ ਪਤਨੀ ਨੇ ਦੱਸਿਆ ਕਿ ਗਗਨ ਘਰੋਂ ਇਕੱਲਾ ਹੀ ਗਿਆ ਸੀ। ਫਿਰ ਉਹ ਐਕਟਿਵਾ ਕਿੱਥੇ ਲੈ ਗਿਆ ਪਰ ਜਦੋਂ ਫੁਟੇਜ ਚੈੱਕ ਕੀਤੀ ਗਈ ਤਾਂ ਉਸ ਵਿੱਚ ਗਗਨ ਨਾਲ ਉਸ ਦੀ ਪਤਨੀ ਦਿਖਾਈ ਦਿੱਤੀ। ਇਸ ਕਾਰਨ ਪੁਲਿਸ ਨੂੰ ਉਸਦੀ ਭੂਮਿਕਾ ਸ਼ੱਕੀ ਲੱਗ ਰਹੀ ਹੈ। ਹੁਣ ਤੱਕ ਉਸ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ ਹੈ।
ਸ਼ਮਸ਼ਾਨਘਾਟ ਵਿਖੇ ਰੋਂਦੇ ਹੋਏ ਗਗਨਦੀਪ ਦੇ ਭਰਾ ਪ੍ਰੀਤਮ ਸਿੰਘ ਨੇ ਕਿਹਾ ਕਿ ਜੋ ਦੋਸ਼ ਲਾਏ ਜਾ ਰਹੇ ਹਨ, ਉਹ ਉਨ੍ਹਾਂ ਦੀ ਸਮਝ ਤੋਂ ਬਾਹਰ ਹਨ। ਨਸ਼ਾ ਤਸਕਰੀ ਦੇ ਮਾਮਲੇ ਵਿੱਚ ਜੇਲ੍ਹ ਤੋਂ ਰਿਹਾਅ ਹੋਣ ਤੋਂ ਬਾਅਦ ਗਗਨਦੀਪ ਨੇ ਕੱਪੜਿਆਂ ਦਾ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਉਸ ਦੇ ਅੱਤਵਾਦੀਆਂ ਨਾਲ ਜੁੜੇ ਹੋਣ ਬਾਰੇ ਪਰਿਵਾਰ ਨੂੰ ਕੁਝ ਨਹੀਂ ਪਤਾ। ਇਸ ਦੇ ਨਾਲ ਹੀ ਐਸਐਸਪੀ ਖੰਨਾ ਬਲਵਿੰਦਰ ਸਿੰਘ ਨੇ ਕਿਹਾ ਕਿ ਜਾਂਚ ਏਜੰਸੀਆਂ ਸੀਸੀਟੀਵੀ ਕੈਮਰਿਆਂ ਅਤੇ ਕਾਲ ਡਿਟੇਲ ਦੀ ਛਾਣਬੀਣ ਕਰ ਰਹੀਆਂ ਹਨ।
Comment here