‘ਦਿ ਕਪਿਲ ਸ਼ਰਮਾ ਸ਼ੋਅ’ ‘ਚ ਸਿਤਾਰੇ ਆਪਣੇ ਪ੍ਰੋਜੈਕਟਾਂ ਨੂੰ ਪ੍ਰਮੋਟ ਕਰਨ ਆਉਂਦੇ ਹਨ। ਖਬਰਾਂ ਸਨ ਕਿ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਆਪਣੀ ਪਹਿਲੀ ਕਿਤਾਬ ਦੇ ਪ੍ਰਮੋਸ਼ਨ ਲਈ ਕਾਮੇਡੀ ਸ਼ੋਅ ‘ਚ ਆਉਣ ਵਾਲੀ ਸੀ। ਉਸ ਨੇ ਬੁੱਧਵਾਰ 24 ਨਵੰਬਰ ਨੂੰ ਸ਼ੂਟਿੰਗ ਕਰਨੀ ਸੀ।
ਖਬਰਾਂ ਮੁਤਾਬਕ ਸਮ੍ਰਿਤੀ ਬਿਨਾਂ ਸ਼ੂਟਿੰਗ ਦੇ ਵਾਪਸ ਪਰਤ ਗਈ, ਜਿਸ ਤੋਂ ਬਾਅਦ ਸੈੱਟ ‘ਤੇ ਕਾਫੀ ਹੰਗਾਮਾ ਹੋਇਆ। ਦਰਅਸਲ, ਸਮ੍ਰਿਤੀ ਆਪਣੀ ਕਿਤਾਬ ‘ਲਾਲ ਸਲਾਮ’ ਦੇ ਪ੍ਰਮੋਸ਼ਨ ਲਈ ਸ਼ੋਅ ‘ਚ ਪਹੁੰਚੀ ਸੀ, ਪਰ ਗੇਟ ‘ਤੇ ਮੌਜੂਦ ਸੁਰੱਖਿਆ ਗਾਰਡ ਨੇ ਉਸ ਨੂੰ ਅੰਦਰ ਨਹੀਂ ਜਾਣ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਸਮ੍ਰਿਤੀ ਸ਼ੂਟ ਲਈ ਪਹੁੰਚੀ ਤਾਂ ਸੁਰੱਖਿਆ ਗਾਰਡ ਉਸ ਨੂੰ ਪਛਾਣ ਨਹੀਂ ਸਕਿਆ।
ਹਾਲਾਂਕਿ, ਸਮ੍ਰਿਤੀ ਨੇ ਉਸਨੂੰ ਦੱਸਿਆ ਕਿ ਉਹ ਸ਼ੋਅ ਦੀ ਵਿਸ਼ੇਸ਼ ਮਹਿਮਾਨ ਹੈ ਅਤੇ ਉਸਨੂੰ ਉਹਨਾਂ ਦੇ ਐਪੀਸੋਡਾਂ ਦੀ ਸ਼ੂਟਿੰਗ ਲਈ ਸੱਦਾ ਦਿੱਤਾ ਗਿਆ ਹੈ। ਦੂਜੇ ਪਾਸੇ ਸੁਰੱਖਿਆ ਗਾਰਡ ਨੇ ਕਿਹਾ ਕਿ ਉਸ ਨੂੰ ਅਜਿਹਾ ਕੋਈ ਹੁਕਮ ਨਹੀਂ ਦਿੱਤਾ ਗਿਆ ਹੈ, ਇਸ ਲਈ ਉਹ ਉਸ ਨੂੰ ਅੰਦਰ ਨਹੀਂ ਜਾਣ ਦੇ ਸਕਦਾ।ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਸਾਰੀ ਗਲਤਫਹਿਮੀ ਗੇਟ ‘ਤੇ ਖੜ੍ਹੇ ਸੁਰੱਖਿਆ ਗਾਰਡ ਅਤੇ ਸਮ੍ਰਿਤੀ ਦੇ ਡਰਾਈਵਰ ਵਿਚਾਲੇ ਹੋਈ। ਇਸ ਬਾਰੇ ਨਾ ਤਾਂ ਸਮ੍ਰਿਤੀ ਇਰਾਨੀ ਨੂੰ ਕੋਈ ਜਾਣਕਾਰੀ ਸੀ ਅਤੇ ਨਾ ਹੀ ਕਪਿਲ ਸ਼ਰਮਾ ਨੂੰ ਕੁਝ ਪਤਾ ਸੀ। ਜਿਵੇਂ ਹੀ ਕਪਿਲ ਸ਼ਰਮਾ ਅਤੇ ਉਨ੍ਹਾਂ ਦੀ ਪ੍ਰੋਡਕਸ਼ਨ ਟੀਮ ਨੂੰ ਇਹ ਖਬਰ ਮਿਲੀ, ਸੈੱਟ ‘ਤੇ ਹੰਗਾਮਾ ਹੋ ਗਿਆ। ਕਪਿਲ ਦੇ ਸ਼ੋਅ ‘ਚ ਸਲਮਾਨ ਖਾਨ ਆਪਣੀ ਆਉਣ ਵਾਲੀ ਫਿਲਮ ‘Antim’ ਦੀ ਪ੍ਰਮੋਸ਼ਨ ਕਰਦੇ ਨਜ਼ਰ ਆਏ। ਉਨ੍ਹਾਂ ਨਾਲ ਸ਼ੋਅ ‘ਚ ਸ਼ਾਮਲ ਹੋਣ ਲਈ ਮਹੇਸ਼ ਮਾਂਜਰੇਕਰ, ਮਹਿਮਾ ਮਕਵਾਨਾ, ਆਯੂਸ਼ ਸ਼ਰਮਾ ਵੀ ਪਹੁੰਚੇ ਸਨ। ਕਪਿਲ ਦੇ ਸ਼ੋਅ ਨੂੰ ਸਲਮਾਨ ਖਾਨ ਨੇ ਪ੍ਰੋਡਿਊਸ ਕੀਤਾ ਹੈ। ਸਲਮਾਨ ਖਾਨ ਦੇ ਆਉਣ ਨਾਲ ਸੈੱਟ ‘ਤੇ ਖੂਬ ਮਸਤੀ ਕੀਤੀ ਗਈ।