ਸ਼ਾਹਰੁਖ ਖਾਨ ਦੀ ਵੀ ਵਧੀ ਮੁਸੀਬਤ, ਮੁੰਡੇ ਨੂੰ ਜੇਲ੍ਹ ‘ਚ ਮਿਲਣ ਪਿੱਛੋਂ ‘ਮੰਨਤ’ ‘ਚ NCB ਦੀ ਵੱਡੀ ਰੇਡ

NCB ਟੀਮ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦੇ ਘਰ ਪਹੁੰਚੀ ਹੈ। ਆਰੀਅਨ ਖਾਨ ਦੀ ਗ੍ਰਿਫਤਾਰੀ ਤੋਂ ਬਾਅਦ, NCB ਆਰੀਅਨ ਦੇ ਖਿਲਾਫ ਸਬੂਤ ਇਕੱਠੇ ਕਰਨ ਲਈ ਮੰਨਤ ਪਹੁੰਚ ਗਈ ਹੈ। ਟੀਮ ਸਬੂਤ ਇਕੱਠੇ ਕਰਨ ਲਈ ਘਰ ਦੀ ਤਲਾਸ਼ੀ ਲਵੇਗੀ। ਜਾਂਚ ਟੀਮ ਮੰਨਤ ਦਾ ਸਰਚ ਆਪਰੇਸ਼ਨ ਕੀਤਾ ਜਾ ਰਿਹਾ ਹੈ।ਮੰਨਿਆ ਜਾ ਰਿਹਾ ਹੈ ਕਿ ਮੰਨਤ ਵਿੱਚ ਸ਼ਾਹਰੁਖ ਖਾਨ ਅਤੇ ਗੌਰੀ ਖਾਨ ਮੌਜੂਦ ਹਨ। ਸ਼ਾਹਰੁਖ ਦੀ ਮੌਜੂਦਗੀ ਵਿੱਚ, NCB ਨੇ ਮੰਨਤ ਵਿੱਚ ਛਾਪਾ ਮਾਰਿਆ ਹੈ। ਸ਼ਾਹਰੁਖ ਅੱਜ ਆਪਣੇ ਪੁੱਤਰ ਆਰੀਅਨ ਖਾਨ ਨੂੰ ਮਿਲਣ ਲਈ ਆਰਥਰ ਜੇਲ੍ਹ ਗਏ। ਇਸ ਦੌਰਾਨ, ਹੁਣ ਐੱਨਸੀਬੀ ਦੀ ਟੀਮ ਮੰਨਤ ਵਿੱਚ ਸ਼ਾਹਰੁਖ ਖਾਨ ਦੇ ਘਰ ਪਹੁੰਚ ਗਈ ਹੈ ਅਤੇ ਤਲਾਸ਼ੀ ਮੁਹਿੰਮ ਚਲਾ ਰਹੀ ਹੈ।

ਇਸ ਤੋਂ ਇਲਾਵਾ ਐਨਸੀਬੀ ਦੀ ਇੱਕ ਟੀਮ ਚੰਕੀ ਪਾਂਡੇ ਦੀ ਬੇਟੀ ਅਨੰਨਿਆ ਪਾਂਡੇ ਦੇ ਘਰ ਵੀ ਪਹੁੰਚੀ ਹੈ। ਇਹ ਛਾਪੇਮਾਰੀ ਨਸ਼ਿਆਂ ਦੇ ਮਾਮਲੇ ਵਿੱਚ ਕੀਤੀ ਜਾ ਰਹੀ ਹੈ। ਆਰੀਅਨ ਖਾਨ ਨੇ ਅਨੰਨਿਆ ਪਾਂਡੇ ਨਾਲ ਡਰਗਜ਼ ਬਾਰੇ ਗੱਲਬਾਤ ਕੀਤੀ, ਜਿਸ ਬਾਰੇ NCB ਅੱਜ ਅਨੰਨਿਆ ਪਾਂਡੇ ਤੋਂ ਪੁੱਛਗਿੱਛ ਕਰੇਗੀ। ਮੁੰਬਈ ਦੀ ਇੱਕ ਵਿਸ਼ੇਸ਼ ਅਦਾਲਤ ਨੇ ਬੁੱਧਵਾਰ ਨੂੰ ਅਰਬਾਜ਼ ਮਰਚੈਂਟ ਅਤੇ ਮੁਨਮੁਨ ਧਮੇਚਾ ਦੇ ਨਾਲ ਆਰੀਅਨ ਖਾਨ ਦੀ ਜ਼ਮਾਨਤ ਪਟੀਸ਼ਨ ਰੱਦ ਕਰ ਦਿੱਤੀ।