ਮੰਗ ਵਧਣ ਕਾਰਨ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਦੇਖਣ ਨੂੰ ਮਿਲੀ ਤੇਜੀ

ਤਿਉਹਾਰਾਂ ਦੇ ਮੌਸਮ ਵਿੱਚ ਸੋਨਾ ਅਤੇ ਚਾਂਦੀ ਇੱਕ ਵਾਰ ਫਿਰ ਚਮਕਦੇ ਦਿਖਾਈ ਦੇ ਰਹੇ ਹਨ। ਇਸ ਹਫਤੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਇੰਡੀਆ ਬੁਲੀਅਨ ਐਂਡ ਜਿਊਲਰਜ਼ ਐਸੋਸੀਏਸ਼ਨ (IBJA) ਦੀ ਵੈਬਸਾਈਟ ਦੇ ਅਨੁਸਾਰ, ਇਸ ਹਫਤੇ ਸੋਨਾ 1,159 ਰੁਪਏ ਮਹਿੰਗਾ ਹੋ ਕੇ 48,125 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ ਹੈ। ਇਸ ਹਫਤੇ ਦੇ ਸ਼ੁਰੂ ਵਿਚ ਇਹ 46,966 ਰੁਪਏ ਸੀ। ਸਰਾਫਾ ਬਾਜ਼ਾਰ ‘ਚ ਚਾਂਦੀ 1,915 ਰੁਪਏ ਮਹਿੰਗੀ ਹੋ ਕੇ 63,290 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ ਹੈ। ਇਸ ਹਫਤੇ ਦੇ ਸ਼ੁਰੂਆਤ ਵਿੱਚ ਇਹ 61,375 ਰੁਪਏ ਪ੍ਰਤੀ ਕਿਲੋਗ੍ਰਾਮ ‘ਤੇ ਸੀ।

ਸਰਾਫਾ ਬਾਜ਼ਾਰ ਵਿੱਚ ਇਸ ਮਹੀਨੇ ਹੁਣ ਤੱਕ ਸੋਨਾ 1,658 ਰੁਪਏ ਮਹਿੰਗਾ ਹੋ ਚੁੱਕਾ ਹੈ। 1 ਅਕਤੂਬਰ ਨੂੰ ਇਹ 46,467 ਰੁਪਏ ਪ੍ਰਤੀ 10 ਗ੍ਰਾਮ ਸੀ, ਜੋ ਹੁਣ 48,125 ਰੁਪਏ ‘ਤੇ ਪਹੁੰਚ ਗਿਆ ਹੈ। ਦੂਜੇ ਪਾਸੇ, ਜਦੋਂ ਚਾਂਦੀ ਦੀ ਗੱਲ ਆਉਂਦੀ ਹੈ, ਇਹ 1 ਅਕਤੂਬਰ ਨੂੰ 59,408 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸੀ, ਜੋ ਹੁਣ 63,290 ਰੁਪਏ ‘ਤੇ ਪਹੁੰਚ ਗਈ ਹੈ। ਯਾਨੀ ਅਕਤੂਬਰ ਵਿੱਚ ਹੁਣ ਤੱਕ ਚਾਂਦੀ 3,882 ਰੁਪਏ ਮਹਿੰਗੀ ਹੋ ਗਈ ਹੈ। ਤਿਉਹਾਰਾਂ ਦੇ ਦੌਰਾਨ ਦੇਸ਼ ਵਿੱਚ ਸੋਨੇ ਦੀ ਮੰਗ ਵੱਧ ਰਹੀ ਹੈ। ਪਿਛਲੇ ਮਹੀਨੇ ਯਾਨੀ ਸਤੰਬਰ ਵਿੱਚ 91 ਟਨ ਸੋਨੇ ਦਾ ਆਯਾਤ ਹੋਇਆ। ਇਹ ਸਤੰਬਰ 2020 ਦੇ ਮੁਕਾਬਲੇ 658% ਅਤੇ ਕੋਵਿਡ ਮਹਾਂਮਾਰੀ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਭਾਵ ਸਤੰਬਰ 2019 ਦੇ ਮੁਕਾਬਲੇ 250% ਜ਼ਿਆਦਾ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਸੋਨੇ ਦੀਆਂ ਕੀਮਤਾਂ ਵਿੱਚ 20% ਦੀ ਕਮੀ ਅਤੇ ਇਸ ਸਾਲ ਤਿਉਹਾਰਾਂ ਦੀ ਬਿਹਤਰ ਮੰਗ ਦੀ ਸੰਭਾਵਨਾ ਨੇ ਸੋਨੇ ਦੀ ਦਰਾਮਦ ਨੂੰ ਹੁਲਾਰਾ ਦਿੱਤਾ ਹੈ।