ਇੰਗਲੈਂਡ ਦੌਰੇ ‘ਤੇ ਗਈ ਭਾਰਤੀ ਟੀਮ ਹੁਣ ਇੱਕ ਨਵੀ ਮੁਸੀਬਤ ਵਿੱਚ ਘਿਰਦੀ ਹੋਈ ਨਜ਼ਰ ਆ ਰਹੀ ਹੈ।ਦਰਅਸਲ ਟੀਮ ‘ਤੇ ਕੋਰੋਨਾ ਦੀ ਮਾਰ ਪੈਦੀ ਦਿਖਾਈ ਦੇ ਰਹੀ ਹੈ। ਭਾਰਤੀ ਮੁੱਖ ਕੋਚ ਰਵੀ ਸ਼ਾਸਤਰੀ ਤੋਂ ਬਾਅਦ, ਹੁਣ ਗੇਂਦਬਾਜ਼ੀ ਕੋਚ ਭਰਤ ਅਰੁਣ ਅਤੇ ਫੀਲਡਿੰਗ ਕੋਚ ਆਰ ਸ਼੍ਰੀਧਰ ਦੀ ਆਰਟੀ-ਪੀਸੀਆਰ ਰਿਪੋਰਟ ਸਕਾਰਾਤਮਕ ਆਈ ਹੈ।
ਚੌਥੇ ਮੈਂਬਰ ਫਿਜ਼ੀਓਥੈਰੇਪਿਸਟ ਨਿਤਿਨ ਪਟੇਲ ਦੀ ਰਿਪੋਰਟ ਬਾਰੇ ਅਜੇ ਕੋਈ ਜਾਣਕਾਰੀ ਨਹੀਂ ਹੈ, ਜਿਸਦਾ ਸ਼ਾਸਤਰੀ ਨਾਲ ਨੇੜਲੇ ਸੰਪਰਕ ਕਾਰਨ ਆਰਟੀ-ਪੀਸੀਆਰ ਟੈਸਟ ਕੀਤਾ ਗਿਆ ਸੀ। ਮੌਜੂਦਾ ਕੋਚ ਰਵੀ ਸ਼ਾਸਤਰੀ ਦਾ ਟੈਸਟ ਪੌਜੇਟਿਵ ਹੋਣ ਦੇ ਕਾਰਨ ਚੱਲ ਰਹੇ ਓਵਲ ਟੈਸਟ ਦੇ ਚੌਥੇ ਦਿਨ ਤੋਂ ਸਾਰੇ ਚਾਰ ਮੈਂਬਰ ਇਸ ਵੇਲੇ ਭਾਰਤ ਦੇ ਡਰੈਸਿੰਗ ਰੂਮ ਦਾ ਹਿੱਸਾ ਨਹੀਂ ਹਨ।
ਇਸ ਤੋਂ ਬਾਅਦ, ਸਾਵਧਾਨੀ ਦੇ ਤੌਰ ਤੇ, ਬਾਕੀ ਤਿੰਨ ਸਹਾਇਤਾ ਸਟਾਫ ਮੈਂਬਰਾਂ ਨੂੰ ਵੀ ਉਨ੍ਹਾਂ ਦੇ ਹੋਟਲ ਦੇ ਕਮਰਿਆਂ ਵਿੱਚ ਏਕਾਂਤ ਵਾਸ ਕਰ ਦਿੱਤਾ ਗਿਆ ਹੈ।ਰਿਪੋਰਟਾਂ ਦੇ ਅਨੁਸਾਰ, ਸ਼ਾਸਤਰੀ ਗਲੇ ਵਿੱਚ ਖਰਾਸ਼ ਵਰਗੇ ਕੋਵਿਡ ਲੱਛਣਾਂ ਦਾ ਅਨੁਭਵ ਕਰ ਰਹੇ ਹਨ।