ਅੰਡਰਵਰਲਡ ਡੌਨ ਦਾਊਦ ਇਬਰਾਹਿਮ ਦੇ ਭਰਾ ਇਕਬਾਲ ਕਾਸਕਰ ਨੂੰ ਬੁੱਧਵਾਰ ਨੂੰ ਮੁੰਬਈ ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐਨਸੀਬੀ) ਨੇ ਗ੍ਰਿਫਤਾਰ ਕੀਤਾ ਹੈ। ਇਕਬਾਲ ਕਾਸਕਰ ਨੂੰ ਨਸ਼ਿਆਂ ਦੇ ਕੇਸ ਵਿੱਚ ਪ੍ਰੋਡਕਸ਼ਨ ਵਾਰੰਟ ‘ਤੇ ਲਿਆ ਗਿਆ ਹੈ।
ਹਾਲ ਹੀ ਵਿੱਚ, ਐਨਸੀਬੀ ਨੇ ਚਰਸ ਦੀਆਂ ਦੋ ਖੇਪਾਂ ਫੜੀਆਂ ਸਨ, ਜਿਨ੍ਹਾਂ ਨੂੰ ਪੰਜਾਬ ਦੇ ਲੋਕ ਮੋਟਰਸਾਈਕਲ ਰਾਹੀਂ ਕਸ਼ਮੀਰ ਤੋਂ ਮੁੰਬਈ ਲਿਆ ਰਹੇ ਸਨ। ਇਸ ਕੇਸ ਵਿੱਚ ਤਕਰੀਬਨ 25 ਕਿਲੋਗ੍ਰਾਮ ਚਰਸ ਫੜੀ ਗਈ ਸੀ। ਇਸੇ ਕੇਸ ਦੀ ਅਗਲੇਰੀ ਜਾਂਚ ਦੌਰਾਨ ਐਨਸੀਬੀ ਨੂੰ ਅੰਡਰਵਰਲਡ ਦੇ ਕਨੈਕਸ਼ਨ ਮਿਲੇ ਸਨ।
ਇਹੀ ਕਾਰਨ ਹੈ ਕਿ ਐਨਸੀਬੀ ਨੇ ਠਾਣੇ ਜੇਲ੍ਹ ਵਿੱਚ ਬੰਦ ਅੰਡਰਵਰਲਡ ਡੌਨ ਦਾਊਦ ਇਬਰਾਹਿਮ ਦੇ ਭਰਾ ਇਕਬਾਲ ਕਾਸਕਰ ਕਾਸਕਰ ਦਾ ਰਿਮਾਂਡ ਲਿਆ ਹੈ।